今年踏入24歲的鼠女、05年華姐冠軍李亞男，出生自加拿大，她決定今個新春首派開工利是，一於攞個利利是是意頭，李亞男笑說：「我第一年派開工利是，唔會破產嘅，我都入咗行兩年，唔算新人，藝人應該派，好意頭吖嘛。」
過去三年，她只曾返過加國老家兩次，幸而李媽媽本月中來港與她團圓，李亞男笑說：「我爹哋同媽咪係一齊做生意，媽咪過咗嚟，爹哋就要留喺嗰邊，所以佢哋會輪流探我，今次可以同媽咪食吓飯，分享我嘅工作情況。」
李亞男在外國長大，全然不知犯太歲是怎樣一回事，她說：「我係基督徒，我自己覺得犯太歲應該冇乜關係，平日遇到唔順利就祈禱吓，諗法正面啲、小心啲就得啦。」
採訪：朱倬誼 攝影：葉君海
協力：黎敏茵 服裝：BCBG