超級星期天點可以冇我求驗客？同平時唔同，逢禮拜日我會少啲批判，同大家分享多啲得意新聞，等大家睇得過癮。
我求大俠夠膽講，大部份麻甩佬都鍾意女人36、24、36，貪外形索同好手感。原來熱刺前鋒貝碧托夫都唔例外，佢呢排演出飄忽，好可能同識咗模特兒女友雲蓮路娃有關。雲蓮路娃身材索到痹，不過，佢副「架生」據聞係人工製造！
聽講雲蓮路娃前男友嘅老竇係著名整容醫生，所以佢順便整胸又整樣，幾乎全身都執過。呢位人工嬌「娃」每逢禮拜六、日，都會搵貝碧托夫，佢哋做咩唔使問都知喇呵？貝碧托夫都係人，床上運動做得多梗會消耗體力；就連保加利亞一份足球雜誌都講，話貝碧托夫直頭俾娃女完全迷倒，入球少咗就係最好嘅解釋喎。難怪佢暫時喺英超只係入得9球，射手榜僅列第9。
逢周末狂歡 演出好飄忽
我求大俠不嬲都覺得貝碧托夫好波，現時身價去到2,500萬鎊（約3.8億港元）真係好合理，不過佢嘅「口味」就差啲囉。我絕對冇心中傷貝碧仔，只係見佢成日梳過西方古代髮型，成個路易十幾世嗰啲造型；須知有謂中間分界，心理X態，結果貝碧仔竟然愛上咗個人工製造嘅女人，仲搞到影響埋場上表現㖭，真係唔知佢腦裏諗緊咩。
講真吖，我哋香港都有隊3人女子組合，身上有幾多嘢整過都未知，我求大俠就最唔buy呢樣嘢；36、24、36又點啫，你明知係假貨嚟喎，真係唔明有乜好。貝碧托夫樣貌四四正正，踢得波又搵錢搵得多，女友你慌揀唔到咩。
之不過雲蓮路娃同貝碧托夫一樣都係保加利亞人，同聲同氣又可能係難搵啲嘅。娃女身材雖則係人工製造，但係國內啲人民一啲都唔介意，仲話佢係全保加利亞入面最性感嘅女神㖭！就算副「架生」係假都冧盡咁多人，死未？希望貝碧仔一朝夢醒，對「假嘢」玩厭之時，快啲落力踢番好啲波算啦！
話你知：球星另一半愛「打假波」
很多球星另一半都是人工美女，例如利物浦前鋒高治的模特兒女友艾比、碧咸嫂維多莉亞及前曼聯球星約基的舊情人佐敦等，當中有人對整容直認不諱，有人卻矢口否認。
21歲的艾比玲瓏浮凸，但她仍然不滿意，據聞逐步「升Cup」，由32B變成34C。雖然她堅稱自己的身材是一百巴仙純天然，最近她更得到百貨公司Matalan垂青，成為內衣代言人，為對方宣傳情人節系列。
高治女友成內衣代言人
艾比就此表示：「這系列的內衣既可愛又便宜，故我大可以每一個小時更換一套。」高治有眼福了。
至於維多莉亞，與初出道時相比，她現時的身材明顯豐滿得多，但她否認有做過隆胸手術。然而，她欠缺美感的身材，令她成為英國甚至美國傳媒的笑柄，更被認為是史上最差的「假波」。
相反曾與多個球星傳多緋聞、並為約基誕下一子的佐敦就大方得多，直認曾多次隆胸；早前她更將隆胸用的矽袋放上網進行慈善拍賣，成為一時佳話。