昨日年初三賀歲馬，汪明荃、胡杏兒入馬場唱賀年歌，大受馬迷歡迎，汪明荃一身大紅色，配襯自己十幾年前買的翡翠首飾，她表示稍後會繼續同「新抱仔」胡杏兒登台搵銀，她說：「我要去大西洋登台，我哋好受歡迎㗎，今日佢話有高層畀貼士，我哋夾份投注買3T。」汪明荃指以往年年出埠，今年首次在馬場賀歲，收到馬會大利是作酬勞，她謂自己鼠年忙個不停。問她新年有沒有探望肥姐，她說：「冇探佢，託人問候吓佢咁，佢見人要化晒妝，費事辛苦。」
低胸女伴富豪
胡杏兒獲周大福贊助二百多萬首飾，她謂希望情人節收到神秘禮物。此外，龐傑郭秀雲夫婦、黃浩然、張永霖等都有入場，大中華證券主席蕭炎坤在場內被發現與年輕低胸裙女子結伴，他被影時即慌失失，一時指女郎來自內地，一時指來自印尼，他說：「呢個係我養女，佢叫小玲，我助養咗佢一年。」
採訪：顏英儀 攝影：陳偉權