年初三西甲重頭戲西維爾迎戰巴塞隆拿，新年流流唔講個「西」字，以波論波實在是客軍穩定性較佳；難得開出平手盤巴塞唔使讓波，屬坐和望贏格局。（球賽編號：星期六60；有線61台明日5:00am直播）
畢傑
如畢傑道出今周西維爾的陣容，可能會嚇親巴塞捧場客，他們有捷西斯拿華斯及艾廸安奴停賽期滿復出，戰畢非國盃回歸的施度基達亦可復任正選；連日前報稱有傷缺操的另一馬里國腳簡路廸，同樣可趕及在這場大戰上陣，加上有近4場聯賽轟入6球的路爾斯法比安奴壓陣（作客畢爾包停賽不計算在內），問大家驚唔驚？
西軍後防中路大開
我第一個答唔怕！首先，捷西斯拿華斯表現不如季初，艾廸安奴今季亦已被廸亞高卡普取代正選位置，今周齊齊復出別看得太重。其次，施度基達及簡路廸出戰非國盃體力損耗大，更何況，近仗穩佔正選中堅的莫斯基拉要停賽，查維拿華路仍未可復出，要小將法斯奧抵禦巴塞火力，隨時又是計時炸彈。
巴塞陣容雖然不整，森保達、廸高及保贊因傷缺陣，佩奧爾上陣成疑，至於杜斯山度士及馬基斯戰畢墨西哥友賽未趕及歸隊等；但我認為以美斯及亨利為首的攻力，仍足可撕破西軍防線。上場之所以僅勝奧沙辛拿1:0，完全與當日下着滂沱大雨有極大關係，惟今晚塞維利亞當地天晴，相信老鼠拉龜情況不會再出現，平手有走冇輸。
梅西亞主場「大」「利」
同日另一場西甲梅西亞迎戰維拉利爾，吼1.95倍「大」（球賽編號：星期六48；有線61台明日3:00am直播）。梅西亞中堅美查亞要停賽，守力弱，惟近10場佔9場有波入；維拉利爾則有守將安祖盧比斯因傷缺陣，博「大」。
貼士
混合過關
星期六48梅西亞大（1.95）x
星星期六60巴塞隆拿（平）2x1
