鼠年首次同大家喺〈開倉版〉見面，祝大家橫財就手！今日係年初三赤口，等我應下節嗌吓交鬧吓人先。鬧邊個？咪娛樂圈淫照風波個男主角囉！佢影埋啲咁嘅相，仲一副自己都係受害人嘅樣，令人作嘔。香港警方嘅處理手法亦好有問題，令人想起早前嗰宗富豪超速案，因兩宗案嘅主角都係有錢人，而港警就好似買有錢人怕咁！
好，鬧完人，講返今期推介。哈！哈！又係海倫芬。之前推介佢哋令我3連贏，周六佢哋作客燕豪芬，當然希望佢哋贏波，就算贏唔到，相信入球都會開「大」，因為兩隊夠晒主動。
大細：燕豪芬大
心得：雙「芬」主動大得起
近5場往績：贏贏贏輸輸
吾中
買嘢講名牌，但賭波一定唔會做名牌奴隸嘅大聯盟女神。