【本報訊】網上疑似藝人淫照其中一名女主角鍾欣桐（阿嬌）再被傳出自殺消息，其Twins拍檔蔡卓妍（阿Sa）為阿嬌闢謠，並強調：「阿嬌唔係咁脆弱嘅。」自淫照風暴爆出後一直未有露面的阿嬌，其經理人仍表示她抱恙，身體虛弱，但春節過後將會復工。
春節後將復工
鍾欣桐前晚原定與拍檔蔡卓妍，一起出席一項新年倒數活動，但後來因病由鄭希怡（Yumiko）及泳兒（Vincy）頂上。近日再有大量疑似鍾欣桐的淫照網上流傳，阿Sa強調不想再回應：「唔講啦，我代阿嬌多謝大家關心，我同阿嬌唔係咁脆弱嘅。」被問及阿嬌何時復工，她說：「佢病咗，大家畀啲時間佢啦，其他嘢交畀警方處理，我唔想再講啦。」
對於日前再傳出阿嬌自殺消息，阿Sa即表示：「黐線，我新年會去佢屋企探佢。」Twins的經理人霍汶希則表示：「阿嬌之前燒咗四日，𠵱家身體好虛弱，過埋年佢就要拍廣告。」
最新涉及淫照風暴的顏穎思，其所屬模特兒公司种星堂老闆鄒世龍接受本報訪問時，不評論事件，只表示：「希望大家淡化件事，因為影藝人協會都做緊嘢。」