聯賽兩連和的愛華頓，於今晚大年初三迎戰6連敗的雷丁，相信賽後唔會和氣收場，點解？赤口吖嘛！結果會是愛華頓在葛廸遜公園全取3分，令雷丁球員搵交嗌！拖肥糖1.53倍W穩，要埋[-1]的「主勝」又何妨。
畢傑
09/02 23:00
球賽編號：星期六13
愛華頓vs雷丁
（now898台直播）
愛華頓近期攻力稍減，連同早前聯賽盃0:1不敵車路士，對上3戰不勝兼0入球。不過，拖肥糖目前只得戰畢非國盃歸隊的中場派拿一員傷兵，而這名南非國腳預期會在下周中歐協盃作客白蘭恩一役才復出。其餘主力如卡希爾、安祖莊臣、奧士文及阿廸達等全可上陣，至於有份入選英格蘭大軍友賽瑞士的守將尼史葛，周中則未有被新帥卡比路派落場，故體力不成問題。
雷丁防線英超最差
雷丁聯賽7場不勝，對上6仗更是全敗，球隊攻守能力亦極不平衡。今周雖已有守將辛高這名非洲兵歸隊，但卻有可任防中或中堅的恩格馬臣停賽；至於中場格連列圖續因傷缺陣，中堅杜比利雖已傷癒，惟上陣機會仍不樂觀，就算臨場無恙，但觀乎其季初錯漏百出的表現，對球隊防線實際上未有太大幫助。
愛華頓戰意十足
此外，今季雷丁聯賽作客12戰仍未嘗一勝，暫得3和9負，但要留意的是他們在客場已失掉33球，是20隊失波最多球隊，防線差勁得竟較榜尾打比郡還要嚴重。今周更缺要坐波監的中路大將恩格馬臣，可預期失球數字應更高，根本捧唔落手。
暫排第4的愛華頓目標相當清晰，就是要壓過利物浦及阿士東維拉等主要對手取得下季歐聯參賽資格，相信今晚不會放過擊敗雷丁的機會。1.53倍單W可作過關膽，「主勝」亦有2.6倍相當值博，波膽意向開2:0（6.5）。
星期六13
愛華頓vs雷丁
半全場：主/主
盤口：愛華頓[-1]
讓球主客和：H主勝
2:0
