混血名模AnaR.擁有西班牙及韓國血統，在港工作7年多，漸漸愛上中國文化。日前她入廟祈福，更為事業求得大吉上籤。Ana笑言過農曆新年會跟隨習俗，包括着紅色內衣褲，家中更會貼「福」到揮春，其男友Mr.P更好奇問她為何將揮春倒轉擺。
混血名模AnaR.去年除了工作順利外，更覓得巴拿馬俊男Mr.P（Diego），可謂事業愛情兩得意。於香港發展了7年的Ana愛上了中國文化，日前更到文武廟求籤祈福，她說：「我嚟咗亞洲已經一段日子，中國習俗已經係我生活嘅一部份，自己都好相信中國文化，好似去年我去摸姻緣石，之後即刻認識咗Mr.P，我今年都會返去還神。」
韓國新年送金飾
Ana入廟點塔香和打鼓，又誠心跪拜求籤，更為事業求得大吉上籤，她即時小心翼翼地把籤文放入銀包，她說：「我去到泰國同台灣都會入廟參觀，最近知道大阪有我最鍾意嘅青蛙廟宇，都好想去參觀吓。」
問Ana的家鄉有否新年習俗，她說：「我哋成家喺美國住咗好耐，但就跟隨韓國習俗，以前細個媽咪會煮一啲紅豆、芝麻糯米糍，又會煮紅米，同埋一啲菠菜同魚嘅菜式。我哋新年習俗唔係派利是，係送金飾，由於我弟弟有個BB，我都會買金飾畀佢。」
「福」到男友困惑
問Ana會否跟隨中國新年習俗？她說：「新年屋企都會擺全盒，我都會買紅色新內衣褲，我試過同朋友賭錢時着紅色內衣褲，真係贏咗錢。自己喺屋企門口都有貼揮春，啲鄰居都覺得我好神奇，我個門口係將個福字倒轉，Diego見到好困惑，問我點解。」
採訪：RitaLeung
攝影：ChanShunChing
服裝：ShanghaiTang
