聽講，恤衫原本係冇袖口鈕，唔係為靚唔係為型，袖口鈕嘅出現係為咗「彬彬有禮」！聽講，舊時歐洲宮廷，每次用膳之後，男人都用衫袖抹嘴，極為不雅不整潔，令當權者大怒；於是，立即勒令將所有男士恤衫加裝袖口鈕，抹多幾抹肯定爛嘴收場！
其實有好多有趣故事都同歐洲貴族有關，好似點解網球比賽嘅「０」分讀做「love」，而唔係「zero」或「none」呢？原來英國有錢佬唔想窮人學識玩，所以特登出蠱惑，等你聽唔明。上個禮拜樸茨茅夫嘅表現有目共睹，唔使聽講都知要追啦！
讓球：樸茨茅夫（平）
心得：唔使「夫」添「欺」爾「頓」
近5場往績：贏輸輸贏贏
阿呢斯奧
麻甩瘋漢，堅持踎低可以噴米粉；深信唔賭唔知時辰到，唔睇唔知邊隊好。