最近小天地有番兩個人瞓，畢傑身為呢個樂園嘅主人，難得肥仔新年有假放，終於可以一家團聚咯，開心到我吖！聽到老友好事近，我都希望承藍鑽石兄之言，學佢咁快啲成家立室喺屋企玩B女，嗰種溫馨直頭湧上我心頭，不過我知呢啲嘢急唔嚟嘅。
終於買咗周董嘅台北演唱會CD+DVD，仲要買平過老死仁哥廿幾蚊，條儍仔真係買嘢唔知碇！年初一起身同媽子恭喜發財同錫佢一啖之後，跟住再播周董隻DVD，發現台北同香港個唱有啲唔同，但依然超正！我信今晚巴塞平手一樣咁正！
讓球：巴塞隆拿（平）
心得：過年唔要「西」字
近5場往績：輸贏輸贏輸
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。