鄧麗欣（Stephy）在剛過去的豬年因刑太歲，是非纏身，近日更因為和陳冠希傳緋聞而被捲入淫照事件，她坦言去年已經攝了太歲祈求趨吉避凶，但好像沒有幫助。Stephy為了迎接鼠年，日前到齋店品嚐賀年齋菜，希望食盡好意頭。
鄧麗欣在剛過去的豬年可謂經歷不少風浪，雖然能夠舉行處女個唱，但卻慘被冠以「鄧走音」的花名，並不時被人拿來開玩笑，Stephy坦言因為屬豬的她去年刑太歲，所以諸事不順，她日前說：「上年我已經攝咗太歲，但係相士都話我豬年係會多風浪，點知真係應驗晒，自己就當係命運嘅安排，08年希望冇事，最希望係冇咁多是非，事業上有更大突破，總之好嘢就繼續，唔好嘢就冇晒。」
至於是否最希望能踢走花名時，Stephy即說：「自己會努力，但唔想大家再提起，講完就算啦，只係希望大家唔好再針對，將個話題帶到新嘅一年。」
茹素兩年食得清
為求在新的一年有好意頭，茹素兩年多的Stephy日前到旺角一間素食店品嚐賀年齋菜，她先後吃了「鯉躍龍門」、「福壽綿綿」、「一團和氣」及「金雞報喜」四個好意頭的齋菜，希望在鼠年她能如願以償一切順利，她更給讀者吃素的貼士，她說：「大家唔好以為食素唔會肥，因為好多時啲素食會用炸、醬汁等烹調，所以喺叫餸時記得一定要配襯一、兩味清菜，飲個湯，咁就可以中和啲油膩嘢。」
採訪：馬建華 攝影：林德雄
髮型：VincePangofILColpo
場地提供：常悅素食
