新一年新希望，周麗淇（Niki）每年都會祈福，今年她到圓玄學院還太歲和拜神，希望事業能擴闊至在內地發展，積極工作之餘，也希望身體健康。至於感情方面，曾與陳冠希傳緋聞而被捲入淫照事件的Niki自言還年輕，會放下兒女私情。
周麗淇每年農曆新年必定會拜神祈福，早前她到圓玄學院還太歲和拜神。去年工作量較少的Niki，今年希望事業能衝出香港，發展至內地市場。感情方面，她雖然與鄭嘉穎傳緋聞，但她表示先放下兒女私情，決定今年努力工作衝刺。
儲錢買樓
Niki說：「舊年唔係太多曝光率，做到貴精唔貴多。今年我希望長做長有，所以會有好多計劃。我好想工作上有新突破，試吓發展內地市場，跟唔同地方嘅人合作，所以今年嘅工作會排得密麻麻。」為迎接排山倒海的工作，Niki當然希望身體健康，她說：「舊年都有幾多病痛，今年要好健康先得。另外，我都好想置業，要積極儲錢。」
習慣素食
另外，Niki每年拜神後，也會留在廟內吃齋，她說：「我食咗好耐花齋喇，其實係當時沙士，啲人話食齋幫患病嘅人祈福，咁我咪試吓，慢慢變成習慣，而且食齋之後個人靜咗好多，而且又開心咗好多，所以慢慢變成習慣。唔會限定邊一餐食，總之鍾意食嗰餐就會唔食肉。」
採訪、攝影：王連連
髮型：Debbyofhair
