今集《拉闊足球場》轉戰國際賽，讀者都認為這一輪友賽投注價值不大，最重要是看看那隊有力在今年歐洲國家盃稱王。經過一輪爭辯，例牌於大賽失色的荷蘭及西班牙提早出局，最得民心還是以老帶新的法國和意大利。
M：Mike 牛：牽牛 A：AsianIronman
牛：嘩，跟住嚟個亞洲鐵人。
A：大家好，楊傳廣就過咗身喇，等我繼承佢啦！
M：鐵人兄，英格蘭換咗新帥卡比路，點睇呀？
A：點都好過之前嘅，首仗對瑞士應該都冇問題，不過呢啲友賽，大家都係試陣性質，半場又換幾個後備，都係小注玩吓好喇。
M：咁你點睇今晚節目焦點西班牙對法國？
A：兩隊實力差唔多，我覺得和波機會高啲。
西班牙最弊唔識留力
M：你覺得呢幾隊入面，有冇邊隊較有冠軍相，可以贏到歐洲國家盃？
A：意大利同法國好啲！
牛：世界盃決賽翻版噃！
A：係呀，因為呢兩隊實力同部署都比較好，教練嘅級數都高啲。
牛：喺大賽呢類型穩打穩紮球隊係高啲。
A：雖然佢哋唔好睇，但起碼後防夠穩，唔會輕易失波畀你，呢樣先最重要
意法識「留力」好緊要
M：為咗贏波，有時都唔顧得咩漂亮足球，你睇吓巴塞呢期成日贏1:0就知，贏得醜陋都係贏，3分落袋最重要。
A：我都係咁話，你睇西班牙，初賽成日係威係勢，一去到淘汰賽就唔掂。
M：邊似得意大利同法國呢啲老波骨，初賽勒住勒住，去到最後階段先見真章。
牛：所以西班牙經常係分組賽大勝對手，不過一出線就玩完。
M：呢個都係投注策略，分組賽就捧西班牙，之後淘汰賽就記住追捧法國同意大利。
捧英軍？等陣先！
今集大部份嘅讀者都撐英格蘭，只有邪童認為英軍落筆打三更，會輸埋畀瑞士。邪童認為英軍後防問題多多，就算卡比路上任，都需要一段時間執好隊波，短期內不宜追捧。
Mike就認為比起後防，英軍前線問題更大，好似廸科爾同高治都係所屬球會嘅後備，朗尼同奧雲狀態亦未到十足，要大勝真係有難度。邪童亦都認同英軍有攻力問題，所以貼佢哋「細」先係上策；佢補充一句，卡比路新上任後要試吓唔同陣容，友賽就更甚，所以叫大家唔好咁快追捧英軍。
法國唔驚死亡之組
法國喺歐洲國家盃抽到支下籤，同組對手包括意大利、荷蘭同羅馬尼亞，不過Ringo就信心十足，認為佢哋出梗線之餘，更有望在歐洲國家盃稱霸。
牽牛就指，法國隊中除咗一班大牌球星：如韋拉、亨利、列貝利等，新星好似馬賽嘅拿斯尼、里昂雙「賓」賓施馬同賓艾化都好對辦；尤其是由3位新舊阿仙奴隊長：加拿斯、韋拉同亨利組成嘅前中後3線，夠晒強橫，相信只有意大利可以媲美。
Ringo大表贊成，不過建議大家都係觀望多兩場，睇吓法國嘅老將狀態保唔保持到先下注。
送你英格蘭外套
下集以webcam打入嘅讀者，講得最好嘅一位將有機會得到英格蘭外套；獎品咁豐富，仲唔即刻上網登記？
想參加？即上
http://soccer.atnextcom/jp/soccer
節目重溫：
http://sport.appledaily.com
〈拉闊足球場〉
下次舉行日期：14/02
