近日的疑似藝人淫照風波除牽涉鍾欣桐、張栢芝和陳文媛外，陳冠希（Edison）的緋聞女友顏穎思及陳思慧昨日相繼牽連入內，逾200張床照同時湧現。汪明荃（阿姐）昨出席活動時對事件十分感慨，她呼籲女性在情到濃時做事要顧後果，否則斷送前途，阿姐又斥責拍攝淫照的人心理變態，而發放照片的人罪加一等。李詩韻則謂罷看照片，免傷害當事人，她不覺得發相者欲挑釁警方，只是可能很不喜歡當事人或該藝人。
疑似藝人淫照風波昨日有新發展，逾200張床照被同時發放，當中涉及六名女性，相中人除疑似張栢芝、陳文媛及鍾欣桐外，Edison前緋聞女友顏穎思及過氣歌手陳思慧等也遭牽連。汪明荃及李詩韻等昨傍晚在荃灣為無綫節目《Citywalk金鼠獻瑞迎新歲》拜神，早前汪明荃曾表示不想被人看就不要影相，昨日當她得悉有逾200張淫照湧現時，顯得慨嘆又憤怒，她首先感慨說：「都唔知講乜好。」
一時衝動
「明知傷害到人」
阿姐得知有200多張淫照出現，她即震驚道：「唔係啩，唔好好似去玩鬥多鬥氣咁，有相嘅人快啲銷毀啦，傳閱都唔道德。啲人（指當事人）一時衝動做咗呢啲嘢，明知傷害到人，啲人仲要繼續發放，對當事人造成更大傷害。」自從警方稱拘捕發相源頭後，再有大批淫照流出，似挑釁警方，阿姐謂：「既然拉咗人做咗嘢，我哋要信任警方，𠵱家已經傷害咗無數人，再放相上網嘅人就罪加一等，喺傷口上灑鹽，係缺德嘅行為，係個人操守，唔係貪得意嘅事，如果發生喺你家人身上，你都想保護佢啦，停止傳閱啲相啦，畀啲時間當事人克服難關。」
問阿姐有否致電慰問栢芝的奶奶狄波拉？她說：「冇喎，我同佢好少聯絡，同契女（謝婷婷）多啲。」有傳栢芝因此事影響家庭至六國大封相，阿姐說：「唔會，希望大家淡化件事。」有網友謂相片可作為教育兒女的反面教材，阿姐聞言說：「唔需要，話畀佢哋知咪得囉，唔使畀佢睇。」有指現在很多年輕人愛將色情片放上網，阿姐說：「呢啲其中一種心態係炫耀，唔係正常嘅心理問題，相愛要互相尊重，唔係一種交易，影呢啲嘢已經好有問題，有冇徵求對方同意呢？」
有傳將會有淫短片流出，有指女事主很難面對公眾，阿姐表示：「咁又唔會，嚟嚟去去又係嗰幾招，成年人都會做嘅嘢，只不過佢哋係公眾人物，不過好慘，需要啲時間去面對，件事連家人同朋友都影響埋，科技發達唔係畀大家咁用，係去吸收正面信息，影嗰個人心理好有問題，係咪變態呢？所有女仔都要小心，情到濃時都要顧後果，𠵱家付上前途㖭！」
罷看淫照
「當事人好辛苦」
阿姐又嘆道：「𠵱家啲年輕新一代唔知諗乜，點解要玩呢啲嘢？道德觀念去咗邊？唔好話佢父母見到心痛，我睇到都心痛，𠵱家新嗰班（藝人）玩埋都係嗰班朋友，接觸圈外人多啲擴闊生活圈嘛，眼界好好多，件事年輕新一代要好好反思。」
李詩韻則表示要罷看淫照，她說：「如果我係當事人知道啲人咁睇法，會好辛苦，我呼籲身邊啲人唔好睇呢啲相。」問她可覺得發放者在挑釁警方？李詩韻說：「唔覺，我覺得佢應該好唔鍾意陳冠希或者其他當事人，可能係唔鍾意藝人，一個人唔會無啦啦傷害人，發放嘅人全無利益，做人真係要小心，唔好得罪人。」
採訪：卓寶花 攝影：仇志德
娛樂資料庫：陳冠希桃花暴劫
近日多位曾與陳冠希傳緋聞的女星不幸捲入淫照風波，多張疑似張栢芝、鍾欣桐、陳文媛、陳思慧及模特兒顏穎思等的淫照在網上流傳，趙頌茹則慘被整蠱，遭發放似她的AV女星淫照。
1997年
2000年
2001年
2002年
2003年
2004年
2005年
2006年
