疑似藝人陳冠希的淫照風暴再度升級，昨日又有200多張疑似藝人淫照以電郵傳閱方式流傳，牽涉人物除早前演藝界的張栢芝、Twins成員阿嬌及陳文媛外，最新涉嫌的受害者還有模特兒界中人，當中有十多張疑似混血模特兒顏穎思（Rachel）的淫照，極為露骨，令城中模特兒都大為震驚。
莊思敏女仔Keep相
「Wow，𠵱家成幾百張，名副其實係『媾女王』，有啲咁嘅影相行為係不可思議，至於Rachel，以前曾經合作過，喺朋友口中都知道佢同過Edison拍拖，佢個人幾好，唔似啲處心積慮嘅女仔，其實作為一個女性，應該知邊啲可以做，邊啲唔應該做，拍緊拖影呢啲相好正常，不過呢啲相要女朋友keep，希望經一事，長一智，有啲相係要拒絕影。」
陳沛嘉要負責任
「同Rachel唔認識，不過以女性角度都會覺得好難堪，諗起第時都會有family，不過大家都係成年人，都要負責任，都好難話可憐邊個，就算當佢哋年少無知，都發生咗，希望件事快啲過去，不嬲我都覺得作為公眾人物都要慎言同小心，如果係真嘅話，可能大家都年少無知，都發生咗，人誰無錯？」
陳嘉容唔想涉入
「自己都冇睇呢啲相，都唔想涉及評論，不過成件事啲女仔都好慘，都會好唔安樂。」
琦琦乘機教仔
「年初一嘞，我好希望疑似藝人淫照風波可以早日告一段落，大家可以開開心心過新年，呢單新聞搞咗咁多日，人人睇完都唔開心，我冇興趣睇嗰啲相，其實每行都有好多另類嘅人。我都幾同情事件受牽連嘅幾個女仔，呢件事都幾影響人嘅道德觀念，我認為做父母嘅，好應該乘機同子女分析一下對與錯。」
姚書軼怕做儍事
「200幾張好恐怖，之前以為已經七七八八，自己本身唔識Rachel，由頭到尾最衰都係影嗰個，部電腦壞咗咪唔好要，真係好有問題，都驚啲牽涉女事主會做儍事，希望佢哋鼓起最大勇氣，消化呢啲新聞，真係若要人不知，除非己莫為，所以女仔真係要潔身自愛。」
網中吟：涉嫌女星寢食難安
隨着連日不斷有新的淫照經電郵方式流傳，有網友茶飯不思，整天呆在電腦旁等待「奇拿」發新相，有人則在各大討論區留言打發時間。
老娘天生長得肖（天涯社區）：那些拍過照片未放出來的女星更慘，我想這幾天她們應該是寢食難安……不如一下子全放出來，長痛不如短痛。
kylechanhk（香港討論區）：但好明顯edc嘅行為得不到社會各界認同。
owl88888（uwants討論區）：狂徒挑戰警方再發裸照，再發裸照為乜？攻擊陳冠希？
mom（she.com）：坦白講，今次件事唔多唔少都令我對佢打晒折扣，諗起佢平時出嚟見人個「清純」樣，再諗番啲四級相，唉，真係唔識講。
chuen22（香港討論區）：農夫今年又攞獎喇，你老細幾時有新相呀？
網友惡搞《孖寶668》嚇鬼
女子組合Twins於02年曾推出賀年歌及同名大碟《孖寶668》，反應熱烈，限量推出的孖寶賀年公仔更掀起炒風，想不到六年後的今日，這首《孖寶668》居然再度成為大熱歌。
上載YouTube
有網友近日將《孖寶668》的賀年歌詞徹底改編，內容盡是諷刺近日轟動全城的疑似藝人的淫照風波，如將「恭喜恭喜恭喜你」改成「嚇鬼嚇鬼特警成吖」，再找來兩把仿似經特別聲音處理的女童聲唱出，上載在YouTube網站任人欣賞，惡搞技藝登峯造極。
《孖寶668》網址
http://www.youtube.com/watch?v=EX-e8I-hkww
