大少林建名恨抱孫，去年更公開以10卡綠寶石𠱁兩名女兒生BB。林建名早前與大女煒珊、次女煒琦到中環CrocoCafe嘆咖啡，林建名再次加碼，狂餵囡囡食糖蓮子，不過煒珊調理身體需時，肖鼠犯太歲的煒琦雖然可以生BB化解，但她又忙於起樓，恐怕林建名抱孫要再等一等。
今日大年初一，大少林建名一家按傳統在大宅食齋，再逐一向長輩下跪斟茶。林建名的次女煒琦肖鼠，今年犯太歲，早前她與胞姊煒珊首次請父親巡視中環的CrocoCafe新店，幫他買衫過年，兩姊妹更在Cafe落手炮製香濃咖啡，煒珊又親自餵父親吃芝士蛋糕，令林建名喜出望外。
女兒餵心甜
林建名眉開眼笑說：「佢咁大個女第一次餵我食嘢，希望未來20年都對我咁好啦。」林建名去年出動珍藏10卡綠寶石，力誘煒珊、煒琦鬥快讓他抱孫，他即時從全盒拿出糖蓮子餵兩個囡囡，並說：「兩個都要食呀，食完連生貴子呀。」林建名說：「以前佢哋喺美國讀書，新年就會返嚟香港，所以過年最熱鬧。呢幾年細女去咗外國，但又多番兩個女婿，都好開心，最希望煒珊今年生番個。」
派夫姓利是
去年才結婚的煒珊，首次派雙封利是，更特別訂製夫姓吳字利是封，她直言很恨生兒育女，但還未有空，她說：「仲未得呀，因為工作太繁忙，太大壓力，我𠵱家都繼續食中藥調理緊，順其自然啦。」
煒琦肖鼠犯太歲，有指生仔可以化解，她即說：「我知乜叫犯太歲，都冇乜理，唔擔心。未有考慮生呀，地產方面好多嘢，觀塘嘅鱷魚恤大廈明年會起好，今年好重要，廣州海珠區又會起一間大嘅serviceapartment。」
採訪：DebbieLum攝影：RickyIp
場地提供：CrocoCafe
