雖然昨日是大年初一，但淫照事件仍是娛圈中的熱話，其中昨日在紐約出席時裝展的關之琳，更越洋戥一眾受害女子慘。
關之琳：男女朋友拍拖影呢啲相就唔應該公開，最受害者一定係啲女仔，結咗婚又有，未結婚又有，都要面對呢啲情況，真係好慘，做呢件事嘅人（指發放者）好唔應該。
張敬軒：我冇睇過啲相，唔知真定假，等警方調查啦，我自己啲電話電腦私人嘢壞咗都係自己整，我係好出色嘅電工，乜家電都識整㗎。
古巨基：呢件事對當事人造成好大傷害，件事發生咗幾日，我以為可以降溫，估唔到件事仲有發展，我希望件事可以好快過去，娛樂圈少啲呢啲新聞。
農夫：冇睇過啲相，老闆（陳冠希）冇打過畀我哋，在心中啦，佢決定係點我哋都會支持，佢永遠都係我哋老闆，我哋有排合作。
韓星李準基：我在韓國都有聽到有關淫照事件，非常震驚和驚訝，不但我自己，這件事震驚全亞洲娛樂圈。這次來港時間很短，不能和阿嬌見面，希望記者代為轉告，人生好小事，希望她可以快點恢復和繼續努力。
周柏豪：朋友有forward過啲相畀我，噚日仲話有200幾張一次傳出嚟，對警方係一個挑戰，呢件事對社會風氣都唔好。其實世界好美好，仲有其他嘢嘅，希望有關人士快啲出嚟面對，解決件事。
薛家燕：疑似藝人嘅床照風波，對年輕人起咗警惕作用，男歡女愛係冇問題，但都唔可以太開放，短暫開心會造成好大傷害。
關楚耀：我有睇過吓啲相，但冇興趣囉。發相嘅人好有問題，其實情到濃時都要保護女仔，唔好去影，應該gentleman啲。