中國人思想保守迷信，好多時都自己訂下禁忌，陳師傅話其實很多禁忌都是荒謬無邏輯，全無根據。
結婚相不宜放床頭，因相片似足一塊鏡，形成反射就唔好。
師傅：「非也，可以放床頭，不過最好放於桃花位，桃花位要因屋而異。」
廚房裏，微波爐不宜放雪櫃頂，煮食爐下不宜放洗衣機，水火不容！
師傅：「放邊都得，最緊要廚房唔好對住廁所，如果不幸對正，可於廚房門、廁所門旁，分別掛上2棵植物，形成水生木、木生火格局就得。」
水龍頭唔好直接對住洗手盆去水位，會漏財。
師傅：「唔通你想污糟水有排都流唔去咩，其實呢樣嘢好平常，設計冇問題，唔會影響風水。」
鞋櫃高過頭，好似被堆鞋踩住自己，唔舒服！
師傅：「鞋櫃高過頭都唔怕踩住自己，只係怕細菌影響健康，所以最好要有對門就得。」
廁所板唔冚好易會漏財。
師傅：「其實唔止廁所板，建議連廁所門都閂埋，漏財就未必，衞生問題而已，可以掛植物於廁所門旁邊，吸走穢氣。」
