滕麗名（圖）同小儀噚日喺將軍澳出席「喜氣洋洋賀新春」活動，滕滕話今日大年初一會返無綫出席賀年活動，仲自爆已經有10年冇參加過無綫年初一嘅活動。滕滕透露之前睇過三位相士，都話佢一生人最衰嗰幾年已經過去，問佢所指係邊幾年，佢即笑話：「最後嗰一年啱啱過咗，我𠵱家入緊大運，總之如果唔係孤獨終老就OK。」