今日大年初一要食齋，鄺美雲（Cally、右）就帶同愛犬Cash一齊下廚，佢話：「我好鍾意食嘢，每次食到好食嘅，都會追問炮製方法，然後返屋企鑽研，肥媽嘅私房菜，我睇過都會照辦煮碗，久而久之就識煮好多餸。」Cally屋企擺咗桃花，佢喺桃花底逆時針行三個圈，希望Cash早日覓得伴侶，但自己嘅婚姻大事就唔緊張，佢話：「隨緣，我真係唔強求。」