數2007香港最紅景點，昂坪360跑贏其他地方九條街，紅到記者日日去做live。消委會噚日公佈市民票選10大消費新聞結果，360順利登上第一位，2,800個有投票嘅巿民當中，2,330人投咗360「無信心」一票。
排第二、三分別係豬價無譜同埋兩鐵合併，八達通扣錯數屈居第四。消委會主席張炳良認為結果有啲爆冷，因為360唔係人人日日搭，市民咁緊張有啲奇怪。佢又話最可喜可賀係食物安全新聞終於跌出10大，相信係監控食物安全方面見成績。
𠵱家香港人食牛、食菜，都要聽候內地發落，仲邊夠膽好似以前咁巴閉，郁吓又話呢樣有毒，又話對人體有害咁囂張先，激嬲阿爺，風都冇得食呀！