Zoie嬲爆隊︰要贏人先贏勢
由Zoie領軍的一組，兩男一女順勢自稱做「嬲爆隊」。可能因為小妮子拍完《愛鬥大》後養成一種玩乜都要贏的心癮，於是以「有咁大買咁大」的策略，務求做大個勢嚇低對手。結果唔理同組兩位同門師兄弟死活，一見外形特大的吹氣玩具，即下注收歸旗下，可憐兩位男士顧得手上吹氣玩具又冇手拎遮。
Round1
長頸7號
呢期長江大熱，估唔到今年花市有人食出名為長「頸」7號的長頸鹿來。追追潮流，Zoie他們自然不會放過，即走入這攤檔搞搞震。可能天氣太冷，人未WarmUp，本來Zoie買大癮未起，玩完想走。不過老闆一句︰「原本$28條，我賣$30兩條畀你。」見老闆出來行走江湖如此豪爽，Zoie即畀錢再拎着兩條長頸鹿在花市中大搖大擺。
Round2
巨型We手掣
往前行，發現有人在揮動巨型Wii手掣，即時鎖定目標。攤檔夥計話︰「只此一家，我哋冇侵犯版權㗎，你睇個Wii字改了做We。」見他們好有創意，Zoie馬上問價，幾經還價，最終算是好意頭減得$18。如果唔係見他們落雨生意難做，Zoie一定會講價講到$18先至買。
Round3
Simpsons荷馬冬甩
買完We手掣後，對面即有一間賣冬甩的攤檔。不是食得那種，是吹大了搞鬼作。看來老闆一定是Simpsons迷，仲要係勁鍾意老爸荷馬嗰隻，Zoie同樣係Fans還作勢要食咗個冬甩佢，但戴澴雨則笑住話望望幾似救生圈。這個老闆識做很多，原本$30一個細圈，$40一個大圈，結果$50賣了兩個大圈給他們。
Round4
串燒兩兄弟
Zoie見斜對面有檔賣串燒，當然又係巨型吹氣嗰種，戴澴雨和陳健豪心知不妙，但仍要自動自覺行上前講價。一支棍插住3件吹氣食物，兩人心有微言︰「仲點拎呀！手都赤埋。」
Round5
奧運水壺射爆你
團隊最需要服從。你估Zoie唔知兩位隊友有微言咩？於是來到一檔以奧運為題賣巨型水壺不倒翁的攤檔，實行軍法處置。她扮晒叫兩位男士走埋水壺旁揀件靚的，但其實唔聲唔聲當自己打保齡一樣，一腳踢樽埋去。
維園其他特色攤檔
張祝珊芝心鼠
張祝珊英文中學的年宵攤檔上晒港聞，佩服學生不理風雨，仍落力Sell自己設計的「芝心鼠」，值得額外加分獎勵。
和氣樽
大家屋企用煤氣還是石油氣？但估計總不會有人用「和氣」吧。有攤檔又幾有創意，賣吹氣「和氣」樽。
三國明星牌
新年打牌、鋤大弟一定有，今年有人擺檔賣漫畫三國明星紙牌，李克勤係楊修都幾好笑。
街訪
