旺角花墟大金莎
除了香港島的維園年宵爆滿人之外，數到九龍區，最旺就應該係花墟年宵嘞，講人數呢度一啲都唔輸蝕，爆滿情侶拍拖更，個個一袋二袋滿載而歸。
記者、攝影：陳諾堯
沙田濕貨最熱鬧
沙田源禾遊樂場年宵亁貨攤比較靜，濕貨攤反而人頭湧湧，個個都收買年花幫屋企扮靚，添節日氣氛。
觀塘年宵獨家招財鼓
今年的觀塘年宵最搶眼的可謂這間獨門設計的招財鼓和財子筆，其他年宵花市冇得賣㗎！據舖主Leo透露，招財鼓是有全民皆股的意思，更是鼠年應節貨，有中國特色之餘又可以當樂器玩。而財子筆就係食番個NDS勢，出支大Mario草菇筆畀大家玩吓！
全港共有14個花市
咁多花市，維園當然最多人去。但全港花市共有14個，除咗維園、觀塘、沙田同花墟，仲有11個場。趁墟呢家嘢，無話一定要去最旺場嗰個嘅。一於睇吓有乜場先！
其他花市包括：
深水埗花墟公園、深水埗長沙灣遊樂場、黃大仙摩士公園、荃灣沙嘴道遊樂場、葵涌運動場、屯門天后廟廣場、元朗東頭工業區遊樂場、北區石湖墟遊樂場、大埔天后宮風水廣場、西貢萬宜遊樂場、將軍澳寶康公園