迎接08鼠年來臨，唔少人都買新衫新鞋過年，因為舊嘅唔去新嘅又點會嚟？除咗人靠衣裝之外，其實開運內衣都同樣重要，喺傳統習俗中，年卅晚要換新內衣褲，紅色係最受歡迎嘅顏色，事關打好個「底」，有望催運。
欠火受得起
朱潔儀日前就去太古城商場買內衣褲，點知俾馮仁昭撞見，只見佢精心細選而且專門揀紅色內褲同bra，對其他顏色都冇乜興趣。馮仁昭八到佢買嘅靚bra係34C，睇嚟身材都喼到，最後佢仲買咗八條內褲，全部都係比堅尼款，相信係取其發發聲好意頭。之後佢又走去睇睡衣，同樣揀咗件鮮紅色嘅哈佬吉蒂睡衣兼睡袍，真係由頭紅到落腳。
朱潔儀以前講過自己五行欠火，所以佢特別受得起紅色衫。