陳冠希（Edison）掀起的疑似藝人淫照風波，一波未平一波又起，繼鍾欣桐（阿嬌）、張栢芝和陳文媛（BoBo）後，昨日又有兩幀貌似英皇前歌手趙頌茹（阿Yu）的淫照吹襲互聯網，但後經查證應是一名日本AV女優。昨日阿Yu否認相中人是自己之餘，更直指被波及的女星很慘，她說：「我覺得觀眾、讀者同網民都應該錫吓啲女仔，女仔好脆弱，希望大家明白啲女仔好慘，無論任何人，都應該留一個機會去尊重同體恤女性，冇邊個想咁㗎。」
「都係腳踏實地好」
阿Yu又強調沒有跟Edison拍過拖，她說：「以前嘅緋聞係公司搞出嚟，唔關我事，我要澄清，今次嘅事都有啲尷尬㗎，我係女仔，女仔要有矜持，喺佢個list（緋聞表）裏面，但我同佢係冇任何嘢。」問她曾否被Edison追求？她斷然說：「冇，我個人比較遲鈍，當時佢都有正印（BoBo），我同Edison係一直冇聯絡。」自從退出娛圈後，她至今仍與周永恆拍拖，近日更轉任中環OL，她說：「娛樂圈冇嘢值得我留戀，都係腳踏實地好。」