寇鴻萍與前夫所生的兩個女兒唐貝欣和唐貝詩，近年成為ball場新寵，三母女連寇鴻萍現任丈夫梁廷鏘都是貪靚一族。一家人早前提早團年，齊手炮製低卡沙律。
寇鴻萍與前夫所生的兩女唐貝詩、唐貝欣在英國留學，一放假就回港行騷賺生活費，身為母親的寇鴻萍也不讓女兒們專美，相隔20年早前再踏台板，為設計師鄧達智行騷，她行起騷來依然駕輕就熟，更大呼過癮。
首穿旗袍感興奮
一家都是貪靚一族，寇鴻萍就經常叫大女唐貝詩減肥，保持苗條，今日農曆年三十，寇鴻萍一家早前下廚弄沙律，齊齊炮製一頓健康的年夜飯提早團年。不諳烹飪的寇鴻萍親自為這個用沙田柚、舂碎的烤花生、蝦米製成的沙律，命名為高纖低脂健康沙律，她說：「呢個菜好健康，同我嘅新年願望好貼切，就係希望大家身體健康，囡囡學業進步，自己就繼續好，事業蒸蒸日上。」
自小在外地長大的貝詩與貝欣，首次穿上旗袍十分興奮，貝詩說：「今次係我哋第一次着旗袍，我好鍾意香港嘅農曆新年，感覺好family，但自我識行之後都冇試過喺香港過年，因為我哋每年都會趁新年去旅行，近幾年就喺英國讀書，我覺得新年好得意，好多嘢嘅顏色都係金色同紅色，好靚，好想有機會行吓年宵。」
溫哥華滑雪度歲
問貝欣與貝詩鼠年大計時，她倆異口同聲說：「希望讀書可以叻啲。」寇鴻萍每年都會趁農曆年假，一家聚首一堂兼四出外遊，今年也不例外計劃到拉斯維加斯及到溫哥華滑雪，實行盡情歡度愉快的10天悠長假期。
採訪：LawWaiMan
攝影：EdwardChou
寇鴻萍髮型：ChrisTaeofSalonIde
服裝提供：ShanghaiTang
飾物提供：Artini
場地提供：L16Cafe&Bar（香港公園）
