楊千嬅前日34歲牛一，前晚於蘭桂坊大搞生日party，今次畀面到賀的大部份是舊公司金牌的同事，至於現屬公司A-Music的同事如黎明等卻全部冇影。千嬅契細佬陳冠希避走美國，由其前助手做代表出席。在生日派對上一眾好友個個飲到啤啤夫，黃柏高、陳曉東及壽星女千嬅飲到滿臉通紅腳步浮浮離開。
楊千嬅前晚在中環蘭桂坊的Q97吧舉行生日派對，出席的好友大部份是舊公司金牌的同事，有黃柏高、傅穎（Theresa）、陳曉東、森美、小儀、谷祖琳、劉偉強及陳冠希的前助手等，而現屬公司A-Music的同事如黎明及衞蘭等卻不見人影。
唔送底衫褲
凌晨一時許，Theresa在助手陪同下先行離去，記者問她可有送大禮給千嬅？她笑說：「送啲女仔鍾意嘅嘢囉！唔係底衫褲，只係一啲食物啫！」隨後黃柏高也是一身酒氣離去，當記者問可有送生日禮物？他笑騎騎說：「已經早有準備，今晚party真係好開心。」
東東走後門
千嬅在凌晨二時與朋友走後門離開，飲到滿臉通紅的她一見記者即雙手作祈禱狀，不斷重複笑說：「對唔住，辛苦晒大家，等咗咁耐！」記者問到她的生日願望？一臉醉意的千嬅卻聽不清楚問題，追問多次下才定神回魂說：「希望娛樂圈嘅衰嘢冇晒！」至於陳曉東同樣走後門，一身酒氣的他在朋友及三名保安人員護送下離去。
採訪：藍文浩
攝影：陳志嵐
