網上流傳疑是藝人的淫照震驚整個娛樂圈，更有傳牽涉的藝人將會更多，令不少人心驚驚。吳雨霏（Kary）透露事發後曾經傳短訊給陳冠希，但他沒有回覆；張家輝透露年輕時也胡鬧過，當時任職警察的他，曾穿制服公然錫女仔，現時身為藝人則經常要自我檢討，時刻警惕。
張家輝當差咀女
張家輝：𠵱家做明星唔可以做普通人，已經喪失咗做普通人嘅權利，所以有時要自已檢討，比其他人多注意兩三倍，年輕人有時會胡鬧啲，我以前都試過着警服送女仔返屋企，仲錫咗佢一啖。喺呢個圈度藝人特別有優惠，所以時時刻刻要自己警惕吓!
周麗淇事態敏感
周麗淇：自己由頭到尾都唔想評論件事，件事咁敏感都係少講為妙，目前都應該要告一段落，希望大家將個焦點擺番落去國內雪災，呢件事對我完全冇困擾，總之好敏感，唔想再講。
吳雨霏壞腦即棄
吳雨霏：希望件事快啲完，件事發生咗我有sendSMS畀佢，不過佢冇覆。我個電腦壞咗都唔敢攞去整，我冇影過裸照，（電腦）唔係唔見得光，不過有時電腦中嘅嘢唔想畀人知咁多，所以我會買過部新機。
鄭希怡感同身受
鄭希怡：Edison出嚟交代件事係好事，好過外界太多揣測，佢始終係關鍵人物。要受傷嘅已經受咗，承擔責任係正面做法，有啲事發生咗，冇人可以做啲乜嘢，最緊要係自己過到自己嗰關。我會以過來人開解吓阿嬌，發生呢啲事冇人想，惟有勇於面對。
張文慈自嘲落後
張文慈：相我就冇睇，總之冇乜意見，希望成件事可以快啲停。我冇遇過呢類男朋友，可能自己比較落後，只係覺得咁嘅事都得？！
黃宗澤收相即刪
黃宗澤：我呢個幾星期都唔喺香港，噚日返到屋企都見到呢啲電郵，不過我見到個標題已經即刻delete咗，唔敢開嚟睇。呢件事搞到咁多日都夠啦，我係電腦白癡，平日影相都係影景、影車、影狗多，好少影人嘅。
關智斌冇搵阿嬌
關智斌：有傳霆鋒與栢芝婚變，霆鋒連結婚戒指也除掉，Kenny表示不清楚，但他說：「呢件事公司已交由警方處理，我冇搵過阿嬌，希望件事快啲完結。」
