春回大地東方之珠享繁榮
運轉亁坤金融少林顯功力
任志剛敬上
仲有一日就送豬迎鼠，金融界高層都準備收爐，每年臨放農曆年假前，金管局總裁任志剛都會預先同大家拜年，佢唔係就咁講句「大吉大利」之類咁行嘅賀詞，而係好認真咁作對聯，show吓文學修養。
今年任總用咗22個字，比上年嘅28個字少咗，但絕對係詞短意深，一句「金融少林顯功力」（見右）就睇到佢對香港作為國際金融中心地位嘅自豪。
除咗任總，恒生（011）副董事長兼行政總裁柯大俠柯清輝噚日特別為《蘋果日報》讀者送上新春賀詞，同大家拜個早年咁話，內容係：「福鼠啓豐年，願香港來年豐足吉祥，香港經濟持續暢旺，長年大利，百業昌盛欣榮，《蘋果日報》讀者鼠年萬事如意、身壯力健！」雖則文采冇任總咁勁，但都一番心意嘛。