謝安琪和張繼聰這對夫婦檔，近日在維園年宵市場擺檔賣月曆，收入全數捐給慈善機構，前晚約10時許除拍檔Oscar、張詠恩（Jan）及商台DJ細蘇等往幫忙叫賣外，連方大同也現身捧場兼幫手。
「氣氛好好」
方大同說：「今次覺得好有意義，因為啲月曆係慈善義賣，以前我都幫過朋友手喺年宵市場賣嘢，氣氛好好，都有好多fans嚟支持。」
Oscar也十分落力地叫賣，更叫至聲嘶力竭，他說：「我都有叫啲朋友同fans嚟支持吓，善事唔怕多做，不過仲未計賣到幾多錢，但係銷量就唔錯，希望越夜越多人幫襯。」現場有市民一見藝人擺檔，即拿出相機影相，張繼聰等人也來者不拒。
採訪：藍文浩
攝影：陳志嵐