張敬軒出道以來除了與王菀之傳緋聞，另一位就是關智斌（Kenny），雖然這段斷背情傳得鬧哄哄，但二人昨日出席同一活動時，均以黑衫黑褲白鞋襯到絕亮相，還大方合照，Kenny更揚言軒仔令他成為絕緣體。
香港電台昨日在大埔運動場舉行「大埔職業安全萬家迎春接福音樂會」，出席的歌手包括一對傳斷背情的張敬軒及關智斌，還有張敬軒的表舅父張繼聰及表舅母謝安琪，可謂一家親。
傳緋聞變絕緣體
軒仔與Kenny昨日均以黑衣黑褲襯白鞋示人，合襯之極，本月1日是軒仔27歲生日，身為緋聞情人的Kenny稱還沒送禮給好友，他說：「我諗住遲啲同成班朋友補番同佢食飯，我都未送嘢畀佢，同埋都唔知送乜畀佢好。」
問Kenny自與軒仔傳緋聞後，是否少了異性埋身，他說：「我一向都係絕緣體，不過我真係多得佢唔少呀，佢真係要送番廿張演唱會飛畀我，多謝我同佢傳緋聞呀，𠵱家男仔同女仔望我都冇話特別多。」其後Kenny表示打算送一部PS3給軒仔，他說：「2000年時佢話嚟香港想買遊戲機，等我送部PS3畀佢，咁佢就可以留喺香港啦。」
生日獨酌怨孤單
當軒仔到場時被求與Kenny合照，二人表現大方，更高舉勝利手勢。不過軒仔得知Kenny要他送贈廿張演唱會門票時，他一口拒絕說：「叫佢自己買啦，最多我畀個九折佢啦。」軒仔又責怪Kenny未送生日禮物，他說：「你哋叫佢檢討吓啦，其實我今年都係同啲化妝師打邊爐，正日當晚就買咗個飯盒、飲咗杯白酒，阿爸阿媽就各自封6,000蚊利是畀我。」至於張繼聰與謝安琪夫婦則先後到場，張繼聰演唱完畢即趕到維園打理年宵攤檔，謝安琪到演出前才到場，二人未能與軒仔及Kenny一家拍張團圓照。
採訪：李珮洳
攝影：陳偉權
