汪琳前晚同男友去會展睇電影《魔法奇緣》首映，佢話下個月結婚，𠵱家已經開始籌備，汪琳話：「早幾日已經試咗婚紗，件婚紗唔會好性感，因為老公唔想我太過性感，所以稍為暴露嘅晚裝，我都唔會喺婚宴上着。」問佢會唔會生小朋友？汪琳就話：「𠵱家心大心細，仲未諗好，因為我想過二人世界，但又鍾意小朋友，婚後真係要同老公商量吓！」