名模周汶錡（Kathy）最愛美食，明天團年，她早前便到位於中環的高級雜貨店「有食緣」辦年貨，見到各式新奇獨特的海味如公肚和美食，興奮得如入大觀園，更購買900元一斤靚冬菇賀新年。
名模周汶錡早前到中環的高級雜貨店「有食緣」，買海味辦年貨，她對掛滿兩層樓的公肚最有興趣，不時拿起照燈、嗅嗅，她說：「我從未見過咁厚嘅，整成花膠咪可以當扒咁鋸！」她拿着台灣臘肉當揸刀玩，見到野生南非湯鮑及燕窩時，忍不住說：「Yummy！」又好奇細問松茸、靈芝的煲湯方法，最後狂掃了多款食品，包括900元一斤庄的日本原木花菇、喜馬拉雅山鹽和黑虎掌菌等。
「買畀媽咪試」
Kathy說：「通常過年我都會畀現金，等媽咪自己買，因為佢好叻、好精明嘅。今日見到樣樣都好得意，好似粉紅色嘅喜馬拉雅山鹽，十足古董嘅陳年普洱，同埋啲冬菇又好靚，所以買啲畀媽咪試吓。」她又透露新年將與家人到美國旅行，但會如往年一樣佈置家居。
聯合國全盒
新年家中必放全盒的Kathy，會搜羅各式賀年小食，如紅、黑瓜子、台灣的蔓越梅、日本千葉落花生和意大利杏仁水果糖等，組成她口中的聯合國美食全盒，不過新年Kathy最想吃的，還是婆婆的廚藝，她說：「過年我最鍾意食婆婆整嘅上海美食，好似蛋餃、湯圓，同廣東人傳統嘅蘿蔔糕，好好味。」
採訪：DebbieLum
攝影：RickyIp
場地提供：有食緣
