乜嘢人會成日話退休唔撈？滙豐保險同英國牛津大學老齡研究所調查結果係──香港嘅中年婦女。中年嘅定義，即係40至59歲嗰班，調查結果話呢個年齡層嘅女性，約莫26%最想退休，比台灣（24%）同新加坡（15.5%）多。唔通人到中年想唞唞真係一種魔咒？
不過，年紀越大，越唔想俾人覺得機器壞，滙豐調查60到79歲呢個可以隨時退休嘅年齡層，有43%嘅港女想繼續工作；只有25%表示會攞退休金收工；22%話做到老闆迫佢哋退休為止。唔願退休嘅心態，喺亞洲區比例最高。
比較之下，港男過咗60歲仲想做嘢嘅，只得32%；會實際攞退休金唔撈嘅佔44%；做到等老闆迫至走嘅只有16%。睇嚟，男同女真係無法平等㗎。調查由05年開始，喺全球21個國家訪問咗兩萬一千個40至79歲男女，亞洲區主要包括香港、台灣、新加坡、日本、馬來西亞、南韓。