白韻琴和馬詩慧前晚在灣仔會展欣賞《魔法奇緣》首映，提到近日哄動全城的淫照風波，白韻琴表示不斷有人傳送照片給她看，但她從未看過，她說：「我從未影過呢啲相，因為冇男人同我影，阿Paul唔肯影呀！嗰班受害嘅女星唔需要難過，身體係亁淨嘅，只係人嘅思想污穢，佢哋最緊要係真情，讀者好快會忘記呢件事，受害嘅藝人想開一啲，其實男歡女愛係理所當然，始作俑者係發相嘅人。不過警方拉咗一個表證未成立嘅男子，要扣留兩個月，我就覺得警方係歧視窮人，如果到時呢名男子係無罪嘅，呢兩個月咪扣留得好寃枉。」
當作反面教材
馬詩慧則說：「由於報紙新聞已經整理過呢啲照片，所以我都有畀兩個女睇近日嘅報紙，當係一個反面教材，等佢哋明白做人要有危機感，要學識保護自己，不過𠵱家兩個女仲細，應該畀心機讀書，拍拖嘅事言之過早，但我都提醒佢哋要潔身自愛。」
