鍾鎮濤（阿B）早前處理父親身後事，又同時為演唱會不停宣傳，出席喪禮後又即投入工作，前日全日為無綫錄製音樂特輯，至深夜再到港台錄歌，昨日終不支病倒缺席「葵青節音樂會」，但休息一日，又要飛到美加作兩星期的巡迴演出，他表示不希望將疾病帶過年。
鍾鎮濤前日全日在將軍澳電視城錄影《高清睇真KennyB》，到深夜再到港台為「雪中送暖」活動錄音，他昨日本應於葵芳出席「葵青節音樂會」，但因他患大感冒病倒缺席，故大會臨時邀請陳曉東頂替。阿B昨日在電話中說：「睇咗醫生打咗支針，好好多，本來我唔想休息，但過年在即，真係唔想帶啲疾病過年，所以點都要休息一日醫好佢，要同主辦單位同東東講唔好意思，麻煩到大家。」
陳友返港撐好友
阿B前晚請來伍佰及譚詠麟（阿倫）、陳友、彭健新等任《高》節目嘉賓，阿B謂很感謝各嘉賓助陣，尤其陳友特地從北京返港撐他，阿B笑說：「陳友𠵱家做CEO，唔可以做好多商業演出，佢今日嚟到見到套鼓，都忍唔住要打吓。」阿倫等聞言表示阿B下月舉行演唱會，他們也會撐到底，阿B謂：「今日阿強喺澳洲趕唔到返嚟，演唱會舉行時佢會返嚟幫手。」
陳友被問到是否不能作商業演出，他說：「因為我要做好自己份工。我簽咗份新合約，幫間上市公司做CEO，唔可以成日曝光，感覺好似唔理公司嘢咁。」演出溫拿演唱會有牴觸嗎？陳友說：「冇，五年一次當客串就冇問題。」
讚揚公安效率高
此外，東東昨日抵達葵芳時面額通紅，他坦言剛與朋友飲紅酒，突然被急召幫手。上台後，東東異常興奮大談前日因大風雪而滯留成都機場情況及讚揚公安清除積雪，直至工作人員打圈示意過時，他才拜個早年返入後台。
同場還有關心妍（Jade）、王菀之、關智斌（Kenny）及李卓庭等獻唱，Jade表示阿B因忙於工作，沒有時間休息而患了重感冒。王菀之表示前晚在港台為「雪中送暖」活動錄歌至凌晨四點，她說：「呢次係我入行以嚟最感動嘅事，歌手們不論幾忙都抽時間錄音，將愛心團結一致。」
採訪：卓寶花、馬建華
攝影：陳偉權、陳俊強
