肥姐沈殿霞嘅96歲母親沈邱淡素病逝溫哥華，肥姐上月尾出院後專程同欣宜去街巿買雞同生果，返九龍塘寓所遙祭沈老太。噚日下午傳出肥姐再次入院嘅消息，記者聞風趕去瑪麗醫院，守候至晚上8點零鐘，見到欣宜（左）同外籍男友（右），以及陳淑芬囝囝一齊離開醫院，問欣宜肥姐嘅病況時，欣宜冇回應，仲加快腳步同男友上車離開。