美國摩根士丹利受次按拖累，早排大額撇賬733億港銀，搞到要引入大陸嘅中國投資有限公司做股東，以50億美金入股9.9%。大摩噚日又有新消息，佢哋嘅亞太區副主席兼董事總經理吳長根以私人理由辭職唔做。
大家可能對吳長根有啲陌生，但講到佢做過嘅刁就唔嘢少，佢嘅強項主要係負責中國企業上市集資，先後幫過聯通（762）、中鋁（2600）同埋中電信（728）上市；喺未加入大摩前，就做過中銀國際（倫敦）副董事長兼行政總裁，同埋中銀國際（英國）董事長。
大摩嘅美國投資部發言人答覆記者查問時，話吳長根主要係負責公司區內嘅客仔關係，但唔肯講搵邊個人代替吳生個位；至於吳生，暫時都唔方便回答記者嘅查問喎。