容祖兒在紅館舉行一連十場「StarLight容祖兒演唱會2008」前晚結束，她開心又不捨，以致四度落淚，又即席拉了張敬軒上台合唱，更封軒仔為「adlib王」（即興王）。
容祖兒前晚在紅館演出尾場個唱，楊受成夫婦、楊超成、方逸華、張敬軒及蔡加怡等都有捧場。祖兒上台唱了一會便不停流淚，她表示最後一場很捨不得，得到歌迷支持與好評，覺得努力沒有白費，十分感動，然後斷斷續續整晚哭了四次之多。
30歲再開個唱
完騷前，祖兒見張敬軒在台下投入跳舞，即走到他跟前問他要不要點歌，軒仔要求唱《心花怒放》，還被邀上台合唱，後來祖兒問他有沒有說話想講，軒仔大叫：「容祖兒係真正天后。」祖兒開心之極，頻叫觀眾支持軒仔4月舉行的處男個唱，她又說：「冇諗過除咗陳奕迅，仲有男歌手肯同我合唱。」
軒仔在台上十分興奮，更笑說：「返屋企會跳爛張床呀。」祖兒聞言笑謂：「你同啲觀眾握手啦，隨便自己嚟喎。你真係adlib王呀。」等軒仔落台，祖兒又爆他瘀事謂：「講個秘密你聽，佢真係好儍，話年廿九嚟睇我，嚟睇拆台咩？儍仔，儍豬豬。」
事後祖兒在慶功宴接受訪問，問到何以如此感觸不停哭，她說：「唔捨得嘛，我隔晚喊一次，我怕今晚好空虛，聽日八點又嚟自己化妝呀，台下都有離愁啦，我好眼淺。」祖兒謂再過四個月她便滿28歲，她打算30歲再開個唱，其間要自我增值，稍後她要到外國進修。
自爆意外頻生
祖兒又自爆今次個唱多意外，除了前晚站在高台幾乎站不穩跌倒外，她曾試過被咪撞腫嘴，又曾踢到男舞蹈員面頰流血，有女舞蹈員扭傷要戴頸箍。談到今次個唱全用緋聞好友何韻詩的音樂班底，祖兒說：「唔係佢介紹，我耳同眼都好利，識分別乜嘢係好嘢，唔會走漏眼，唔會放過㗎。」
採訪：李珮洳
攝影：陳偉權
