張學友的世界巡迴演唱會前晚舉行第105場，也是最後一場，所以學友有點依依不捨的感覺，在台上有女舞蹈藝員與學友相擁而哭，離別在即，學友自言會變成寂寞的男人。由於現場有噪音限制，聲浪不能太大，故每當觀眾高呼狂叫時，學友都要勸告一番，令他十分冇癮。
張學友前晚在尾場演唱會上施展渾身解數，越唱越high，不過他在台上說：「今晚係最後一場，見大家咁雀躍，不過我嘅心情就複雜，今晚我嘅狀態唔好，但用力唔會少過之前嘅104場，喺呢個新場地度可以盡情叫，不過只可以120分貝，我好有公德心，會喺有限嘅時間內唱晒啲歌。」
女舞蹈員落淚
現場有觀眾聞言即大叫起來，學友馬上說分貝已超過160，隨即他又說：「唔知點解會覺得嘈呢？不過我就覺得啲聲音好好聽，我驚做完之後會瞓唔着，因為冇晒啲聲音。」
由於前晚是整個巡迴演唱會的最後一場，學友表現得有點依依不捨，有女舞蹈藝員更在台上攬住學友喊，學友說：「今晚之後我變做一個寂寞的男人，時間係無情嘅，無論開心唔開心都咁樣過，不過今晚唔想過得咁快。」
演唱會結束後，學友等人在黃埔海逸酒店舉行慶功宴，筵開28席，除香港工作人員外，內地個唱的幕後工作人員也有到場，因尾場個唱撥捐了一百萬元給「香港脊髓損傷基金」，獲邀到場的代表桑蘭及斌仔頒發感謝狀給學友，桑蘭在台上表示與學友只見過兩、三次，這次特別來港多謝他捐款。另一方面，學友表示也有捐款給護苗基金，因為他自己也有兒女。
學友光年圖章
此外，演唱會總監陳淑芬說：「學友唱咗咁多場把聲都沙沙哋，我特別訂做咗一批圖章送畀大家做紀念品，學友嘅係用琉璃做，刻有『學友光年』字樣嘅圖章，因為佢做演唱會踏足半個地球，105場演唱會走遍多個城市，令佢留下光輝一頁，由07年2月18日至今年2月3日，做咗58個城市，行程足夠環繞地球5.5次，成績超然。」
採訪：駱華齡
攝影：陳俊強