朱茵噚日喺紅磡為有線兒童台同禁毒基金合作搞嘅《全港小學禁毒創作劇大賽》做評判，佢話早幾日至喺合肥返香港，返嚟嗰日都遇正雪災問題，飛機延遲起飛，好彩靠班fans通知，最後搞咗成日，搵到機飛去深圳再轉機返港。呢幾日男友黃貫中（Paul）喺北京開騷，朱茵都有同男友通電話，知道兩場個唱順利完成，冇受風雪問題影響。