明珠台《情濃二月》電影宣傳，昨日邀請了黃長興、楊秀惠、黃長發、呂慧儀、陳智燊、陳茵媺六位藝員齊集將軍澳東港城，分成三組男女玩遊戲。楊秀惠以性感開胸裝亮相，頻頻賣弄性感，她說：「近日贊助商揀咗批春夏新裝畀我，向來我都鍾意着短褲短裙，可能近日出多咗活動，加上又駁咗頭長髮，畀人另一種感覺啫。」
情人節等人約
問楊秀惠其緋聞男友孫耀威有否約她過情人節，她笑說：「冇吖，但可唔可以其他人約我，黃長興都同我一齊拍情人節宣傳片㗎。」遊戲其中一環節要三對男女擺親密甫士，黃長興只輕輕攬着楊秀惠，動作生硬，黃長興說：「之前我形象太花花公子，想改變一吓，其實自己唔花心㗎，係好正經嘅男仔，以前太開放，𠵱家要配合香港文化。」
採訪、攝影：卓寶花