闊別數月嘅港台電視節目《頭條新聞》強勢回歸，噚晚再度播出。為隆重其事，《頭條新聞》噚日搞咗個「比笑招新」大會，希望招攬更多有才華嘅人入局。經過一輪激烈選拔，結果由表演「最緊要政治頒獎禮」嘅搞gag孖寶趙志華同林卓麟，憑講得一口爛gag勝出，二人日後有機會主持《頭條新聞》。
今輯《頭條新聞》除原班人馬吳志森、林超榮同曾志豪外，仲會加入基層主持陳泰來主理〈民間傳奇〉環節；「超人」林超榮亦會主持〈飛髮朋舖〉新環節，繼續嬉笑怒罵。以後逢星期日晚上7點，《頭條新聞》會喺無綫翡翠台播出。唔知新一輯《頭條》能否秉承佢「陰陽怪氣」嘅優良傳統呢？