車事情報局:大年初一有車展睇

車事情報局:大年初一有車展睇

望吓日曆,原來今日已經係年廿八,晏啲收咗工要幫自己部愛驅同屋企大掃除之外,都係時候要Call齊班Friend,計劃吓大年初一嗰日幾點鐘出發去睇車展。
究竟係乜車展咁巴閉,要約齊班Friend一齊去睇?咪就係英之傑「金鼠賀歲」經理車車展囉!屆時各個由英之傑旗下公司所代理嘅品牌,當中包括Toyota、Lexus、Daihatsu、Mazda同Jaguar,將會合共展出過百部優質經理車,並會以超值價發售;以Toyota為例,佢哋展出嘅優質經理車放盤,就差唔多全部車款都齊晒,當然唔少得呢期最Hit嘅Camry、Previa,同埋最新款嘅Corolla,聽聞叫價仲好吸引㖭!另外,會場到時會有相士幫大家占卜一下鼠年運程,而財神仲會大派利是,等你可以攞番個彩頭。有興趣嘅車迷,記得去參觀啦!

記者:鄭達基

英之傑「金鼠賀歲」經理車車展

日期:2月7日(大年初一)
時間:11:00am-6:00pm
地點:北角屈臣道2-8號海景大廈地下Toyota維修中心