今天年廿八是中國傳統大掃除的日子，何鴻燊與元配黎婉華的孫女何家華雖然出身富裕，但傳統的她在農曆新年前，也親力親為替家中10多隻愛犬打點清潔收拾，為可愛的芝娃娃扮靚靚迎新年。
何家華出名愛狗之人，愛心爆棚的她三年前開始在英國愛護動物協會當義工，06年9月正式成為澳門愛護動物協會主席，對於被遺棄的狗隻照顧周到，幫助有需要的動物更是她的心願，早前她在港澳兩地開設寵物酒店百貨，為志同道合的愛狗之人服務。
培養子女愛動物
已為一子一女之母的何家華，為了不想子女養成嬌生慣養的習性，在他們小時已教育愛錫狗隻，更養成他們獨立的性格。早前何家華帶同三隻可愛的芝娃娃，與子女一同拍攝賀年照，現年四歲的大女Melanie與兩歲半的Michael十分活潑，一見到三頭愛犬便又抱又錫，更愛惜地為愛犬整理衣服，十分可愛，何家華說：「佢哋一路長大，都有狗陪住，所以佢哋唔會怕，仲好有愛心。」
何家華續說：「我喺英國讀完書學識自立，獨立改變我性格，同埋點樣睇自己嘅人生，我有教我嘅小朋友，佢哋𠵱家細個，要有工人照顧，但好多嘢我都會叫佢哋自己做番，例如要佢哋將玩完嘅玩具放返原位。」
中國化鍾意年糕
自言很喜歡農曆新年的何家華，當然會依習俗年廿八洗邋遢，她說：「有小部份清潔我都會自己做，我好Chinese，年初一、二都會同爺爺、家人拜年，同家人、朋友聚會，新年我好鍾意食年糕，每逢新年我都會叫屋企嘅大廚整定幾底，我會食一底。」
採訪：LawWaiMan
攝影：EdwardChou
場地提供：DogOneLife（Macao）