嚟到試車之旅嘅最後一日，我哋一行香港傳媒決定趁上機前剩低嘅半日時間，走去巴塞隆拿市周圍參觀，鍾意睇各地古蹟同當地公共交通工具嘅我，就梗係開心到暈啦！
離開酒店約5分鐘嘅車程，我哋嚟到MaritimeMuseum附近，但由於時間緊迫，無特別走入去參觀，反而走咗去旁邊多座古舊建築物前留影；至於我仲有乜節目？梗係走去側邊馬路，影低巴士同的士等等嘅公共交通工具啦，亦因為咁，我發現當地的士有好多唔同款式，而最常見嘅品牌可會是SEAT，無論係房車定7人車都有，款式之多真係睇到人眼花！
記者、攝影：鄭達基
當地的士大都係SEAT嘅出品，仲要連7人車都有㖭！