「紙皮」做咗阿叔公新抱兼生埋個BB後，飛上枝頭，令娛樂圈好多女仔恨到流晒口水，由於阿叔公仲有位公子係單身貴族，所以都有唔少女士想打佢主意。雖然外間有傳聞話阿叔公呢個大仔「杰杰」係喜歡結交同性朋友，但關仁聽聞佢其實係鍾意女人。最近結識咗選美出身嘅藝員仔「戴金」，戴金早年因為車禍搞到好長手尾，杰杰就出動自己部私人飛機接佢呢度去嗰度去，體貼又殷勤，係女都冧到暈啦。聽講杰杰欣賞戴金夠堅強，人品都算唔錯，打算試吓同佢發展，但就未過到老竇阿叔公嗰關，始終男同女雙方，身份地位都差一大截，如果戴金過到阿叔公嗰關，睇怕娛樂圈又會多咗個灰姑娘嘅童話故事。
Textby關仁