獲提名金像獎的藝人和導演均表示興奮雀躍。
劉德華（提名影帝、男配角）
「好多謝、好開心，但我希望雪災快啲平息。」
任達華（提名影帝）
「年年對手都好強，但我對自己都有一定信心㗎！」
郭富城（提名影帝）
「今次提名係我一份最好新年禮物，連續幾屆都有份提名真係好開心，所有對手都係優秀演員。」
毛舜筠（提名影后）
「我會好客觀去面對所有對手，好多謝劉青雲支持我話想同我一齊上台攞獎。」
蔡卓妍（提名影后）
「再一次得提名，攞唔攞獎都好，希望同台前幕後一齊分享這份榮譽。」
古天樂（提名最佳男配角）
「今年對手好強，能夠有提名證明自己演技開始得到大家認同，對我嚟講已經一大進步。」
鄭中基（提名最佳男配角）
「多謝導演趙良駿，因為冇乜導演會搵我拍唔係搞笑電影。」
張家輝（提名最佳男配角）
「對手嘅實力好強，能夠參與已經係一種肯定。」
袁詠儀（提名最佳女配角）
「如果真係可以攞獎，對上一次提名已經係好多年前嘅《我愛你》，拍戲唔使多，最緊要係精。」
鍾嘉欣（提名最佳新演員）
「實在係好大鼓勵，雖然未有機會睇子珊部戲，但聽聞口碑好好，所以我睇好子珊。」
徐子珊（提名最佳新演員）
「要多謝游乃海同杜琪峯，佢哋花咗好多心機同時間喺我身上。」
陳可辛（提名最佳導演）
「《投名狀》同《門徒》我都有份參與，雖然呢兩部戲都得到好多提名，但提名多，唔等於得獎多。」
杜琪峯（提名最佳導演）
「《神探》係我同韋家輝聯合執導，開拍呢部戲時，係銀河公司10周年紀念，所以特別有意義。」
游乃海（提名最佳導演、編劇）
「覺得自己好運加好彩，冇諗過可以同咁多大師前輩一齊角逐，尤其杜琪峯係我師傅。」