網上爆出疑似藝人淫照風波剛一周，中港台與陳冠希（Edison）曾傳緋聞的女藝人，紛紛處於緊張狀態之中，情緒更大受影響，除了Edison離港避風頭外，受牽連的陳文媛（BoBo）、張栢芝和鍾欣桐更閉關躲避，圈中藝人每日都關注事態發展，並發表個人意見。吳雨霏（Kary）認為事件對女性構成侮辱，希望可早日把上載照片的元凶繩之於法，同時也力撐好友鄧麗欣（Stephy）和Edison的緋聞不是真。葉童則表示不抗拒情侶間拍親密照，但拍攝前一定要得到對方同意。 採訪：林妃
Kary 盡快捉人
陳冠希被捲入疑似藝人淫照風暴，吳雨霏（Kary）前晚在尖沙嘴說：「我SMS咗畀Edison，但佢冇覆，我都唔想騷擾佢，我會支持佢。件事係對女性嘅侮辱，希望快啲捉到擺相上網嘅人，懲罰佢哋。」Kary表示沒看過有關照片，她說：「我冇興趣，亦唔應該睇。」Kary謂不相信好友鄧麗欣會牽連其中，成為下一個受害人，她說：「因為傳過緋聞先會俾人講，根本佢哋乜事都冇發生，所以唔驚。」
葉童 勿越界線
葉童昨日在尖沙嘴出席攝影活動，她說：「其實我覺得如果批相係真嘅，我係唔抗拒，只係因為啲相疑似藝人，令到號召力加強，唔係嘅話你玩乜都可以㗎。不過當然好多道德界線係唔可以超越，做某啲嘢要自律，撇除出發點係咪淫或者衰，我會覺得啲相好有創意，但係最重要係站喺道德立場，如果要影，一定要得到當事人同意。」
蕭亞軒 發誓無辜
曾與Edison傳緋聞的蕭亞軒，她前日透過經理人陳香君澄清二人從沒交往，並說：「我沒有，從來沒有，我發誓我沒有。」
對於淫照在網上熱傳，蕭亞軒說：「希望網友自制，不要因為網路的自由，而做出傷害別人的事。」
袁詠儀 誤用科技
袁詠儀昨日在又一城出席活動說：「放上網嘅人好有問題，係咪要有人受傷害先，佢過意得去咩。」她認為應好好教育下一代，同時又認為現今電腦技術被人誤用，對於新一代藝人的行為，她說：「我唔方便去評論，我只係講自己感受，𠵱家科技發達，令人想做壞事多咗，不過我覺得電腦真係唔係咁樣用。」
鞏俐 改正陋習
鞏俐前日在北京宣傳電影《上海》時，她對內地傳媒回應近日互聯網上流傳的疑似藝人淫穢照，她用普通話說：「年輕人容易衝動，不要一股勁責他們，多些寬容，經過這次教訓，相信他們會改正不好習慣。」
周渝民 籲查源頭
周渝民（仔仔）曾和Edison合作拍攝百事廣告，他昨日在台灣宣傳偶像劇《這裡發現愛》時，痛斥上載淫照的始作俑者行為卑劣，他用普通話說：「這種事，我沒法表達甚麼感覺。」仔仔不明白為何大家對淫照內容充滿好奇，他又說：「大家應該去查照片為何流出去才對吧？」
古巨基 應該降溫
古巨基也有留意疑似藝人淫照新聞，他昨日在銅鑼灣出席服裝活動時說：「呢件事發生咗幾日，應該要降溫，大家少啲講，唔好將件事再化大，呢件事可以話係我喺娛樂圈咁多年最轟動一件事，我同張栢芝合作過拍電影，自己唔想喺呢個時候打電話畀佢，怕嚇親佢。」
劉偉強 擔憂子女
曾在電影《無間道》中跟Edison合作導演劉偉強昨日到將軍澳電視廣播城出席節目錄影，他表示曾電Edison，但聯絡不上，他說：「如果搵到佢（指Edison），我會叫佢忍耐啲，搵個方法解決，相信現時對大家壓力都好大。」劉偉強有看過該批照片，他說：「唔識講𠵱家啲人諗乜，呢一代好得意，自己都好驚啲仔女第日嘅道德觀念。」
