廖碧兒、楊秀惠及麥玲玲昨日在九龍灣Emax出席「PostPet祈福神社」活動，昨日市區氣溫只得9度，不過廖碧兒及楊秀惠卻無懼寒冷天氣，廖碧兒穿上短袖衫，楊秀惠則以單薄的白色tubetop上陣，勇氣可嘉。
工作行先
廖碧兒昨日獲麥玲玲贈言她來年仍會穩坐最搵錢女藝員榜首，而且會有異地桃花兼有結婚運，麥玲玲更自薦可替她擇吉日結婚，但碧兒就表示無意在來年結婚，更反對麥玲玲說：「你唔好咁衝動啦！」近日有消息指楊秀惠與緋聞男友孫耀威同遊日本，楊秀惠否認有此事，不過就自爆孫耀威曾邀約她同遊北京，她說：「我都冇同佢去過日本，可能佢同第二個女仔去呢？等我打電話問吓佢同邊個去先得，佢係有叫過我去北京，不過我叫佢不如改請我去東京。」另外，楊秀惠在現場又被麥玲玲贈兩句，她說：「麥師傅話廖碧兒姻緣運到，佢都話我來年有桃花運，可惜唔係真桃花，而係假桃花，所以我會專心工作，感情事我都唔心急！」
採訪、攝影：卓美娟
